Program

Fredag 5. juli


Ta med heile familien og nyt kvelden på Odden saman med oss. God musikk frå scena, god mat samt herleg stemning vil gjere kvelden til eit av sumarens høgdepunkt for heile gjengen. NB: Familiekvelden er ALKOHOLFRI, altså vert det ikkje sal av alkohol på arrangementet fredag.


inga winjum.jpg

Lokal underhaldning

Dyktige, unge talent frå bygda vår vil stå på scena å underhalde med både musikk og dans.

Kvelden vil bli leia av Inga Winjum


eva weel skram.jpg

Eva Weel skram

Eva kjem til familiekvelden på Odden for å skape magisk stemning for store og små. Sogndalsjenta slapp i 2018 sitt fyrste album på norsk; Finne heim.


Laurdag 6. juli


Tradisjonsrik Marknad

10:00 - 18:00

For 23. år på rad går Aurlandsmarknaden av stabelen. Her vert det mange fine bodar og morosame aktivitetar for born som hoppeslott, bilbane, ansiktsmåling og andeslepp.

Du kan også oppleve bygda med sightseeing med helikoptertur. Helikopteret vil som vanleg gå frå fotballbana frå 11:00 til ca. 17:00 (med atterhald om værforhold). Prisar for holikopterturen er 600 kr for vaksne og 500 kr for born. Rallartoget vil også køyre rundt i bygda under den tradisjonsrike marknaden.

Longhorn vil spele opp til familiekonsert på Odden. Her kan ein glede seg til å høyre deira eigne sangar, ispedd mykje humor.

Tider å merke seg:
10:00 - 16:00: Marknad og aktivitetar

13:00 - 18:00: Servering på Odden

14:00: Andeslepp

Frå 16:00: Underhaldning på Odden



Marknadsfest

21:00 - 02:30

bilde 5.jpg

Longhorn

LONGHORN kjem til Aurlandsmarknaden og skal spele på laurdagen. Om kvelden vil dei, saman med Ole Ivars syta for at dansefoten kjem fram. Her er det mykje å gle seg til.
Longhorn er fylket sitt eldste countryband. Dei står for tradisjonell country, men går ikkje av vegen for eit breiare repertoar når tid og stad høver seg.

I 2013 gav dei ut Hometown Street, som inneheld fleire av publikumsfavorittane. Seinare gav dei ut På eigne bein, som inneheld eigne låtar med norsk tekst. Dei kallar seg glade amatørar, men musikken er slett ikkje amatørmessig. Longhorn er kjende for å skape god stemning!


ole ivars.jpg

ole ivars

Tidenes norske danseband, OLE IVARS, skal spele opp til dans. Bandet rullar vidare inn i nok eit jubileumsår. Å feire 55 år som band er det ikkje mange som har gjort i Norge, om nokon i det heile tatt. Ole Ivars har gjennom sin lange karriere spelt til dans for folket med slagerar som «Nei så tjukk du har blitt» og «Kongen av campingplassen».